lovely alyssa

我有一個很可愛的表姨甥女Alyssa, 就是表姐的女兒, 她今年8歲。她雖然暑假後, 已是三年級生了, 個性仍很單純, 天真瀾漫。

昨天, 我到她家玩玩, 以下是她正在畫畫時, 我跟她的有趣的聊天:
我 : 我好想養狗呀。
她(瞪大眼睛) : 唔好呀!
我 : 我知你好怕狗狗。
她 : 係呀!
我 : 但我想養一隻大狗。
她(瞪大眼睛, 用手指指住我) : 停一停, 諗一諗。
haa.. 我想到這原來是電視廣告的對白, 她表情很認真, 很可愛呢。:)
我 : 你愛唔愛耶穌?
她 : 我愛。
我 : 耶穌有無幫過你d咩?
她 : 有~
我 : 咁佢幫左你d咩呀?
她 : 唔知啊!
我 : 吓?幫左你做過d咩都唔知?
她 : 咁佢有時幫左我我都唔知啦!
她也有道理, 真是妙問妙答.....
我 : 不如你幫表姨祈禱, 有一個老公丫~
她 : 好呀, 要靚仔..
e~但我唔鍾意叫老公~
我 : 咁叫咩呀?
她 : mm... 叫爸爸~
我 : 吓? 我已經有一個爸爸啦喎, 咁不如叫丈夫丫~
她 : 好啦。
我 : 咁你幫我祈禱有一個靚仔嘅丈夫丫, 佢仲要有d咩好呢?
她 : 要信耶穌嘅。
我(驚訝) : e~ 點解你會識咁講嘅?邊個教你架?
她 : 主日學d老師囉, 佢地都係咁講架啦~
嘩, 原來主日學老師這樣早已經教她們這些了....
我 : 咁好啦, 你就為我祈禱, 有個靚仔同信耶穌嘅丈夫啦!
她 : 好呀, 但你要先教我畫福娃先喎......
我 : 吓!5隻福娃咁多( -_-!)
然後我們便一起畫畫了。